Ech entwéckele Websäiten, déi fir jiddereen accessibel sinn an de gesetzlechen Ufuerderungen entspriechen.
Eng barrièrefräi Websäit ass zu Lëtzebuerg net nëmmen dacks gesetzlech virgeschriwwen, mee och e kompetitive Virdeel an e staarkt Zeeche vu sozialer Verantwortung. Tëscht 15 % an 20 % vun der Bevëlkerung liewe mat enger Behënnerung, an nach vill aner Leit profitéiere vu gutt konzipéierten digitalen Inhalter: eeler Leit, Smartphone-Benotzer an all déi, déi eng kloer an intuitiv Navigatioun schätzen.
Hutt Dir Froen zu ären Obligatiounen oder wëllt Dir Ären Zilpublikum erweideren, ouni dobäi Kompromësser beim Design anzegoen? Ech hëllefen Iech Är Websäit z’erstellen oder unzepassen, sou datt se performant, ästhetesch a fir jiddereen accessibel ass.
Erstelle vu barrièrefräie Websäiten
Ech entwéckelen Är nei Websäit esou, datt se vun Ufank u accessibel ass:
- Konformitéit mat WCAG 2.1
- Kloer Struktur, kompatibel mat Assistenz-Technologien
- Responsiven Design, deen op alle Bildschiermer gutt ausgesäit
- SEO-Optimiséierung an natural referencing
Analys an Optimiséierung vu bestoende Websäiten
Ech maachen eng detailléiert Analys, fir d’Problemer z’identifizéieren, déi den Zougang zu ären Inhalter erschwéieren:
- Navigatioun mat der Tastatur a Screenreader
- Kontraster a Liesbarkeet
- Opbau a Struktur vun den Inhalter
- Alternativen fir Biller a Medien
- Formulairen an interaktiv Elementer
Formatioun vun ären Ekippen
Accessibilitéit hält net mat der Online-Publikatioun op. Ech vermëttelen äre Mataarbechter ganz konkret Best Practices:
- Wësse, wéini en Alternativtext néideg ass a wéi een e richteg schreift
- Déi richteg Kontraster jee no Zort vum Inhalt auswielen
- Inhalter korrekt strukturéieren, fir datt se mat Assistenz-Technologien banotzbar sinn
- D’WCAG-Standarde richteg verstoen
- Léiere, wéi een de RAWeb-Referenzkader benotzt, fir seng Websäit ze iwwerpréiwen
Dir gitt onofhängeg a bleift laangfristeg konform.
Accessibilitéit mat Verstand
Digital Barrièrefräiheet ass méi wéi just d’Anhale vun technesche Standarden. Duerch meng Aarbecht mat Mënsche mat Behënnerungen an am Beräich vun der interkultureller Inklusioun weess ech, fir wie mir barrièrefräi Kommunikatioun schafen a wéi wichteg si fir hiren Alldag ass.
Barrièrefräiheet ass keng Checklëscht, mee eng Astellung. Bei der Webentwécklung orientéieren ech mech un de reelle Besoine vun de Mënschen: Persounen déi schlecht gesinn, déi e Bildschierm-Liesprogramm benotzen, eeler Leit mat motoresche Restriktiounen, déi keng Maus benotzen, oder Benotzer mat Héierproblemer, déi op kloer textlech Informatiounen ugewise sinn. Fir dës Mënschen ass Barrièrefräiheet onverzichtbar. Si verbessert och d’Gesamterliefnis, well Websitë méi verständlech a méi benotzerfrëndlech ginn.